စိတ်ညစ်နေလား
စိတ်ညစ်စရာဆိုတာ ကိုယ်က စိတ်ညစ်စရာလို့ လက်ခံလိုက်တဲ့ အခါမှ စိတ်ညစ်စရာ ဖြစ်လာတာမျိုးပါ။
အရာရာတိုင်းမှာ အကြောင်းနဲ့ အကျိုးဆက်စပ်မှုတွေရှိစမြဲမို့ ကိုယ့်စိတ်မှာ ညစ်လာတယ်ထင်မိတာနဲ့ စိတ်လေးကို နည်းနည်းငြိမ်အောင်သတိထားလိုက်ရင်း ( လေကို အားရပါးရ ၀ အောင် တစ်ချက်လောက်ရှုပြီး ) ဘာကြောင့် ကိုယ့်စိတ် ဒီလို ပြောင်းလဲသွားရတာလဲ (ညစ်သွားရတာလဲ) ဆိုတာ ပြန်တွေး အဖြေရှာလိုက်တာ အကောင်းဆုံးပါပဲ...
တစ်ခါတစ်လေမှာ ဘာမှမဟုတ်တာလေးတွေနဲ့လည်း စိတ်ညစ်နေမိတတ်တာမျိုး သတိထားမိလိမ့်မယ်.
- ညစ်နေတဲ့စိတ်
- တစ်ခုခုကို ကြောက်နေတဲ့စိတ်
- ဘာဖြစ်လို့ ဖြစ်နေမှန်းမသိတဲ့စိတ် (တွေဝေငေးမောနေတာမျိုး)
- အလကားနေရင်း စိတ်တွေလေးလံ ထိုင်းမှိုင်းနေတာမျိုး
ရီစရာ ဟာသလေးတွေ၊ အဖြစ်အပျက်လေးတွေ နဲ့ အားပါးတရ ရီမောလိုက်တာနဲ့ တော်တန်ရုံ စိတ်ညစ်စရာတွေ ပြေပျောက်သွားတတ်ပါတယ်...
(ရီမောခြင်းဟာ တင်းမာနေတဲ့ အာရုံကြောတွေနဲ့ စိတ်ဖိစီးမှုအချို့ ကို အတန်အသင့် ပြေလျော့ စေပါတယ်)
လေကောင်းလေသန့်၀၀လေးရှုရှိုက်ပေးတာလည်း တစ်မျိုးကောင်းပါတယ် ....
ကျွန်တော်ကတော့ စိတ်ညစ်စရာတွေကြုံလာပြီဆိုတာနဲ့
- အကြောင်းရင်းကို အမြန်ရှာလိုက်တာပါပဲ...
- ချက်ချင်းဖြေရှင်းလို့ရတာမျိုးဆို ချက်ချင်းရှင်းထုတ်လိုက်တယ် ...
- ရှင်းလို့မရသေးတာမျိုးတွေအတွက် ဖြေရှင်းနည်းတွေ စဉ်းစားတယ် ...
- နောက်ဆုံး ဘာမှလုပ်လို့ မရတော့ဘူးဆိုရင်တော့ ဘုရားဂုဏ်တော်ကိုးပါး ထဲက တစ်မျိုးမျိုးကို အနက်အဓိပ္ပါယ် အတိုင်း (မြန်မာလို) အာရုံပြုပြီး စိတ်ကို အေးချမ်းအောင် ကြိုးစားလိုက်ရင်း အိပ်ပစ်လိုက်တာပဲ ...
