ပိုလီမာ အလင်းဖိုင်ဘာ

ဆီးမင်းကုမ္ပဏီက သုတေသနပညာရှင်တွေဟာ ပိုလီမာ အလင်းဖိုင်ဘာ (Polymer optical fibre – POF) ကနေတဆင့် တစ်စက္ကန့်မှာ အချက်အလက်ပေါင်း 1 Gb (1073,741,824) ပမာဏကို ထုတ်လွှင့် ပေးနိုင်ခဲ့ပါတယ်။ ဒါဟာ စက်ရုံတွေမှာရှိတဲ့ အလိုအလျောက်လုပ်ဆောင်မှုစနစ်တွေ၊ အလွယ်တကူတည်ဆောက် နိုင်တဲ့ အိမ်သုံး ပီစီ ကွန်ရက်တွေနဲ့ အဆင့်မြင့် တီဗီတွေ အပြင် မော်တော်ကားတွင်းက ကွန်ရက်တွေ အတွက် အခွင့်အလမ်း အသစ်တစ်ရပ် ပေါ်ထွက်လာခြင်းပါပဲ။

ပိုလီမာ အလင်းဖိုင်ဘာ (Polymer optical fibre – POF) ကို အသုံးပြုမယ့်သူကိုတိုင် တပ်ဆင်အသုံးပြုနိုင်တယ် လို့ ပရောဂျက်မန်နေဂျာ Sebastian Randel ကပြောပါတယ်။ ဖန်သားကနေပြုလုပ်ထားတဲ့ အလင်းဖန်မျှင် (Opitcal fibre) လိုမဟုတ်ဘဲ၊ ပျော့ပျောင်းပြီး အလွယ်တကူဖြတ်တောက်နိုင် Connector တွေမှာ တပ်ဆင် အသုံးပြုနိုင်မှာ ဖြစ်ပါတယ်။

Randel ရဲ့ အဆိုအရ ဒီကေဘယ်လ်ဟာ 1 မီလီမီတာအထူ ရှိပြီး အလွယ်တကူမပြတ်တောက်နိုင်ပါဘူး။ ဖြတ်ချင်ရင်တော့ ဘလိတ်ဒါးနဲ့လည်းဖြတ်လို့ ရတယ်လို့ သိရပါတယ်။ ဒီကေဘယ်လ်ရဲ့ Transmission loss (ထုတ်လွှင့်နေစဉ် ဆုံးရှုံးသွားတဲ့အချက်အလက်ပမာဏ) ဟာ အလင်းဖန်မျှင်မှာထက် များနေသေးတဲ့အတွက် လောလောဆယ် မှာတော့ Fast Ethernet 100 Mbps အမြန်နှုန်းမှာပဲ ကောင်းကောင်းသုံးလို့ ရပါသေးတယ်။

နှိုင်းယှဉ်ချက်များအရ ဖန်မျှင်ကြိုးဟာ အချက်အလက်အများအပြားကို အလွန်မြန်တဲ့နှုန်းနဲ့ သယ်ဆေင်နိုင်တယ်။ အပေါ်မှာ အကာအကွယ်တွေအုပ်ထားတဲ့အတွက် ပိုထူပါတယ်။ တကယ်လို့ အများကြီးကွေးလိုက်မယ်ဆိုရင် ပြတ်တောက်သွားနိုင်ပါတယ်။ ဒါ့အပြင် ဖြတ်တောက်ခြင်း၊ connector များမှာ ချိတ်ဆက်ခြင်းများ လုပ်ဆောင်နိုင်ဖို့ အတွက် စိန်နဲ့ပြုလုပ်ထားတဲ့ ဖြတ်စက်တွေ လိုပါတယ်။

POF ကတော့က ဈေးချိုတယ်။ အကြမ်းလဲခံတဲ့အတွက် အိမ်သုံးနဲ့ မော်တော်ယာဉ်အတွင်းမှာသုံးတဲ့ ကွန်ရက်ဆက်သွယ်မှု (Automotive Networking) မှာအသုံးတွင်ကျယ်လာနိုင်ပါတယ်။

ဆီးမင်းကုမ္ပဏီက သုတေသနပညာရှင်တွေဟာ 100 မီတာအရှည်ရှိတဲ့ စမ်းသပ်ကွန်ရက်မှာ 1008Mbit/s အမြန်နှုံးနဲ့ တီဗွီထုတ်လွှင့်ခဲ့တာ အမှားအယွင်းမရှိ အောင်မြင်ခဲ့ပါတယ်။

ဈေးသက်သာပြီး၊ အကြမ်းခံတဲ့ POF cable တွေ ကို စက်ရုံတွေ၊ မီးရထားတွေနဲ့ မော်တော်ကားအတွင်းပိုင်း ကွန်ရက်တွေမှာလည်း တွင်တွင်ကျယ်ကျယ်သုံးလာနိုင်မှာဖြစ်ပါတယ်…။

ရည်ညွှန်း-
http://www.techworld.com/networking/...gtype=samechan

ညီအကိုမောင်နှမများအားလုံး ပညာဗဟုသုတနဲ့ ပြည့်ဝ၊ အသုံးချနိုင်ကြပါစေဗျာ...