ဒုလ္လဘတရား ငါးပါး- 5 Difficult Things To Get

ဒီနေ့ဟာ - မြန်မာသက္ကရာဇ် ၁၃၆၉ ခုနှစ်၊ ၀ါခေါင်လပြည့်ကျော် (၈)ရက် ဗုဒ္ဓဟူးနေ့ ဖြစ်ပါတယ်...
ဒီလို ဥပုသ်နေ့ တစ်နေ့မှာ ရပ်နီးရပ်ဝေးက မြင်ဖူး၊ မမြင်ဖူးတဲ့
သူငယ်ချင်းတွေ အတွက် နာကြားဖြစ်တဲ့ တရားတော် တစ်ပုဒ်ကို ဝေမျှပေးလိုက်ပါတယ် ...
“သီတဂူဆရာတော်ကြီး အရှင်ဥာဏိဿရ” ဟောကြားတော်မူတဲ့
“ဒုလ္လဘတရား ငါးပါး” တရားတော်ပါ...အကြောင်းအရာ အချို့ကို ထုတ်နှုတ် ဖော်ပြထားတာ ဖြစ်ပါတယ် ...
အောက်ဘက်မှာ တရားတော် ကို ဒေါင်းလုဒ် ရယူနိုင်တဲ့နေရာလည်း ပေးထားပါတယ်...
ဖတ်ရှု နာယူကြည့်ကြပါ သူငယ်ချင်းများ...

တရားတော်မှ ထုတ်နှုတ်ဖော်ပြချက် အချို့

ဘုရားအဖြစ်ဟာ ရဖို့ခက်ခဲသည် ...
ဘုရားတစ်ဆူ ပွင့်ဖို့ အလွန်ခက်ခဲသည် ...
ဘုရားဖြစ်သည့် အကျင့်မျိုးကို ကျင့်ရန် အလွန်ခက်သည် ...
ဘုရားအဖြစ်ရဖို့ ခက်ခဲကြောင်း ဘုရားရှင်ကိုယ်တော်တိုင် အကြိမ်ကြိမ်ဟောကြားခဲ့သည်...

ဘုရားဖြစ်ချင်ကြောင်း စိတ်မှ ကြံစည်၍ လာခဲ့ရသည်က ၇ သင်္ချေ
ဘုရားဖြစ်ရပါလို၏ဟု နှုတ်မှ ဆုတောင်းလာခဲ့ရသည်က ၉ သင်္ချေ
ဗျာဒိတ်ရသည့်အချိန်မှစ၍ ဘုရားဖြစ်သည်အထိ ပါရမီဖြည့်ကျင့်ရသည်က ၄ သင်္ချေနှင့် ကမ္ဘာတစ်သိန်း
ဖြစ်ကြောင်း သီဟိုကျမ်းများ တွင်ဖော်ပြထားသည်...

ကောင်းမှုတွေကို သတ္တ၀ါတွေ ကြောက်တယ် ...
အငတ်ဘေးဘာကြောင့်ဆိုက်ရသလဲ-

• လောဘကြောင့် (လောဘတကြီးရှာကြခြင်းကြောင့်) အငတ်ဘေးဆိုက်ရသည်..
• မစ္ဆရိယကြောင့် (လောဘကြောင့် ရထားသော ပစ္စည်းများကို သူတပါးအား ဝေမပေးချင် ခြင်းကြောင့်) အငတ်ဘေးဆိုက်ရသည်..
  

• အငတ်ဘေးကို ကြောက်ကြသော်လည်း အငတ်ဘေးဆိုက်ခြင်း၏ အကြောင်းရင်း ဖြစ်သော လောဘကို မသတ်နိုင်ကြ...
• အငတ်ဘေးကြောက်သလို လောဘကို ပယ်ဖို့လည်းကြောက်နေကြသည် ...
• လောဘကို တကယ်ပယ်ချင်ရင် တကယ် တရားအားထုတ်ကြ...
• မစ္ဆရိယကို တကယ်ပယ်ချင်ရင် တကယ် တရားအားထုတ်ကြ...
• လောဘတဏှာပယ်ဖို့ရန် ဒုက္ခသစ္စာကို မြင်အောင် ရှုမှတ်ပွားများ အားထုတ်ရသည်..
  

နာရုံသာနာ မရှုပွားသည့် ပုဂ္ဂိုလ်က လောကမှာ တကယ်များသည်...
ကြာကြာထိုင်ရမှာ ကြောက်ကြသည်..
အမြဲတမ်း ကမ္မဌာန်းထိုင်သူ ယောဂီမြို့တစ်မြို့မှာ ဘယ်နှစ်ယောက်ရှိသလဲ

သတ္တ၀ါတွေဟာ ရုပ်အဆင်းကြည်ညိုတဲ့ ပုဂ္ဂိုလ်က များသည်
အသံနဲ့ ဂုဏ်သတင်းကို ကြည်ညိုတဲ့ ပုဂ္ဂိုလ်က များသည်
ခေါင်းခေါင်းပါးပါး ခြိုးခြိုးခြံခြံအကျင့်များကို ကျင့်တဲ့ ပုဂ္ဂိုလ်က များသည်
တရား တကယ်ကြည်ညိုတဲ့ ပုဂ္ဂိုလ်မှာ ရှိသမျှ သတ္တလောကကြီးကို အပုံတစ်သိန်းပုံလျှင် တစ်ပုံသာရှိသည်ဟု ဘုရားရှင် ဟောကြားခဲ့သည်...

သံသရာတွင် ချမ်းသာချင်လျှင် စွန့်လွှတ်ရမည်..
ဝတ္ထုပစ္စည်းများကို စွန့်ရမည်...
ကိလေသာများကို စွန့်ရမည်...
ကျင့်ရသော ရည်ရွယ်ချက်သုံးပါး...
မြင့်မြတ်သူ အထက်တန်းကျသူတို့၏ လုပ်ငန်းသည် ပါရမီ...
ပေးစွန့်ခြင်းသည် လောဘနှင့် မစ္ဆရိယကို စွန့်ခြင်းဖြစ်၍ ပါရမီ...

ဆန်တစ်တင်းပေးပါဆိုလျှင် ပေးနိုင်သည်...
လက်ညှိုးတစ်ချောင်း ပေးပါဆိုလျှင် မပေးနိုင်...
လက်ညှိုးနှင့် လက်မောင်း - လက်ညှိုးကိုပေးမည်...
ကိုယ်ခန္ဓာအတွင်းပိုင်းကျလေ စွန့်လွှတ်ဖို့ ခက်ခဲလေလေ...

• ပညာလွန်ကဲသော ဘုရားလောင်းများ ၄ သင်္ချေနှင့် ကမ္ဘာတစ်သိန်း မရပ်မနားအားထုတ် ကျင့်ကြံရသည်...
• သဒ္ဒါလွန်ကဲသော ဘုရားလောင်းများ ၈ သင်္ချေနှင့် ကမ္ဘာတစ်သိန်း မရပ်မနားအားထုတ် ကျင့်ကြံရသည်...
• ၀ီရိယလွန်ကဲသော ဘုရားလောင်းများ ၁၆ သင်္ချေနှင့် ကမ္ဘာတစ်သိန်း မရပ်မနားအားထုတ် ကျင့်ကြံရသည်...
  

သူတော်ကောင်း အလုပ်ဆိုတာ ပျော်နိုင်ခဲသည်...
ကောင်းမှုမှန်ရင် ချန်မထားနဲ့ ....
လက်လှမ်းမှီသမျှ ကောင်းမှုကို လုပ်ကြ (ဘုရားလောင်းများသာ တကယ်ပြုလုပ်နိုင်သည်)

ကြာကြာအားထုတ်၊ များများအားထုတ် ၊ မနေမနားအားထုတ်၊ လေးလေးစားစား အားထုတ်၊ ပျော်ပျော်ပါးပါး အားထုတ်ရမည် ပွားများရမည်...
ပျော်ပျော်ပါးပါး အလုပ်လုပ်ဖို့ အတော်ခက်သည်...

• ဘုရားရှင်တို့သည်- စရိယ ၃ ပါး၊ စွန့်ခြင်းကြီး ၅ ပါး၊ ပါရမီ ၃၀၊ ဘာဝနာ ၅ ပါး တို့ကို ဘုရားရှင်တိုင်း ဖြည့်ကျင့်တော်မူခဲ့ ကြသည်...
• ထို့ကြောင့် ဘုရားအဖြစ်ကိုရရန် ခက်ခဲသည်...
• ထို့ကြောင့် ဘုရားသာသနာ ခေတ်တစ်ခေတ်ဖြစ်ရန် ပိုခက်သည် ...
• ထို့ကြောင့် ဘုရားသာသနာ ခေတ်တစ်ခေတ် တွင်လူဖြစ်ရန် ပိုခက်သည် ...
• ထို့ကြောင့် ဘုရားသာသနာ ခေတ်တစ်ခေတ် တွင် သာသနာကို ကြည်ညိုသောလူ၊ မှီခိုခွင့်ရသူ ဖြစ်ရန် ပိုခက်သည် ...
• ထို့ကြောင့် ဘုရားသာသနာ ခေတ်တစ်ခေတ် တွင် သာသနာကို ကြည်ညိုသောလူ၊ မှီခိုတတ်သောသူ ဖြစ်ရန် ပိုခက်သည် ...
  

• တချို့တွေက ကြည်ညိုသော်လည်း မမှီခိုတတ်၊ တချို့တွေက မှီခိုနေသော်လည်း မကြည်ညိုတတ်...
• လုမ္ဗိနီကို မှီခို၍ အလုပ်ဖြစ်နေကြသော ဘာသာခြားများ၊ မှီခိုနေကြသော်လည်း မကြည်ညိုကြသူများ...
  

ကိုယ်တစ်ယောက်တည်း အားထုတ် လေ့ကျင့်နေရုံနဲ့ မပြီးတော့...
လှုတန်းနေကာမျှဖြင့် ဘာသာရေးဆိုတာ မပြည့်စုံနိုင်...

ဘုရားသာသနာတွင် ငရဲကျနေသော သူများသည် ဘုရားကို ကြည်ညို မှီခိုခွင့်မရ...
လူ့ငရဲ ရောက်နေသောသူများကား ကြည်ညိုသော်လည်း မှီခိုခွင့် မရကြ...
(ဥပမာ- ပြစ်မှုကျုးလွန်၍ အကျဉ်းကျနေသူများ)
ကြည်ညိုခွင့်လည်းမရ မှီခိုခွင့်လည်းမရတာက တကယ့် ငရဲသားတွေ...
လူအဖြစ်ရရန်ခက်သည်...
သာသနာတော်ကို ကြည်ညိုသောသူ၊ မှီခိုသောသူမှ ရခဲသော လူ့ဘ၀ ရသည်မည်၏...
ငတ်နေသောထမင်းကို ဓမ္မအရသာဖြင့် ဖြေဖျောက်သော ပြိတ္တာမ...
ပြိတ္တာမ လောက်တော့ ဇွဲကောင်းကြဖို့ လိုအပ်သည်...

မြစ်ကမ်းပါးမှ ရေတောင်းနေသော ပြိတ္တာများ...
ပါးစပ်ထဲရေမ၀င်အောင် ပိတ်ထားတဲ့ လောဘနဲ့ မစ္ဆရိယ...
ကမ္ဘာအရပ်ရပ်မှာ ပေးတိုင်းမကျေနပ်နိုင်လို့ အဆာမပြေတဲ့ လူပြိတ္တာများ သာသနာတော်ကို ကြည်ညို မှီခိုခွင့်မရကြသူများ ရှိနေသည်...
လူမှာ စားဖို့ ၊အိပ်ဖို့ ၊ ကာမဂုဏ်ခံစားဖို့လောက်သာ သိရင် လူတိရိစ္ဆာန် ခေါ်သည်...
ဒီနေ့ ကမ္ဘာမှာ တစ်ဘ၀စာ ဇိမ်ခံဖို့ စဉ်းစားသူတွေ ပိုများလာသည်...

ဘုရား တရား သံဃာ ရတနာသုံးပါး မရှိတဲ့ အရပ်ကို ပစ္ဆန္တရစ် အရပ်ဟုခေါ်သည်...
ထိုအရပ်တွင် လူဖြစ်ရလျှင် လူဖြစ်ရကျိုးမနပ် ...
ဆွမ်းခံဘုန်းကြီးကို သူတောင်းစားပုဒ်မနှင့် ရုံးတင်တရားစွဲသော မြို့လန်ဒန် ...
သံဃာကို သံဃာမှန်း မသိတဲ့ အရပ်သည် ပစ္ဆန္တရစ် အရပ် ...

သူတော်ကောင်းတရားကို စနစ်တကျ မှန်ကန် ပြည့်စုံစွာ လေ့လာ ဆည်းပူး လေ့ကျင့်အားထုတ် နိုင်ရန်လိုသည်...
အရပ်ကောင်း ၊ ဆရာသမားကောင်း၊ တရားကောင်း၊ အကျင့်ကောင်း၊ စိတ်ကောင်း များရရှိ ကျင့်သုံး နိုင်ဖို့လိုသည်....

သာသနာတော်ထွန်းကားရာ အရပ်တွင်လူဖြစ်လာရသော်လည်း
မွေးဖွားစဉ်ကပင် ရူးသွပ် ဆွံ့အ လာသူများသည်လည်း လူဖြစ်ရကျိူးမနပ် တရားအားမထုတ်နိုင် တရားမနာနိုင်...

သာသနာတော် ထွန်းကားချိန်တွင် လူဖြစ်လာရသော ရခဲလှသော ဘ၀...

• သူတော်ကောင်းတရား ရှိရန်ခက်ခဲသည်...
• သူတော်ကောင်းတရား မပျောက်မပျက်အောင်ထိန်းသိမ်း စောင့်ရှောက်ရန် ခက်ခဲသည်...
• သူတော်ကောင်းတရား နှုတ်တက်ရအောင်ဆောင်သူရှိရန် ခက်ခဲသည်...
• သူတော်ကောင်းတရား နှုတ်တက်ရအောင်ဆောင်၍ ပြန်လည်ဟောကြားသူရှိရန် ခက်ခဲသည်...
• သူတော်ကောင်းတရား ပြန်လည်ဟောကြားခွင့်ရရှိရန် ခက်ခဲသည်...
• သူတော်ကောင်းတရား နာကြားရရန် အလွန့် အလွန်ခက်ခဲသည်...
  

မလေးရှားနိုင်ငံတွင် ကျယ်ပြန့်သော တရားပွဲမျိုး လုပ်ခွင့်မရှိ...
ပီနန်ကျွန်းရှိ ၈၀% သော ဗုဒ္ဓဘာသာများ တရားပွဲကြီးများ လုပ်ခွင့်မရကြ...
သူတော်ကောင်းတရား နာကြားရ သော်လည်း ကျင့်ခွင့်ရရန် ခက်ခဲသည်...

• ရဟန်းအဖြစ်ကို ရရန် ခက်ခဲသည်...
• ရဟန်းတော်များ ကျင့်သလို သီလ၊ သမာဓိ၊ ပညာ သိက္ခာသုံးပါး ရအောင်လေ့ကျင့်ရန် ခက်ခဲသည်...
• သူတော်ကောင်းတရား နာကြားရ သော်လည်း သီလ၊ သမာဓိ၊ ပညာ သိက္ခာသုံးပါးဆောင်သော ရဟန်းအဖြစ်ရရန် အလွန့် အလွန်ခက်ခဲသည်...
• သီလ၊ သမာဓိ၊ ပညာ အားနည်းလာလျှင် သာသနာတော်ကို မှီခိုခွင့် နည်းလာမည်...
• သာသနာတော်၏ အနက်ရှိုင်းဆုံးအပိုင်း အရဟတ္တမဂ်၊ အရဟတ္တဖိုလ် သို့ရောက်အောင် သွားရမည်.. အားထုတ်ကြရမည်...

ဒုလ္လဘတရား ငါးပါး
ဘုရားတစ်ဆူပွင့်ရန် ရခဲ၏...
ဘုရားပွင့်သောခေတ်တွင် လူအဖြစ်ကို ရခဲ၏...
သာသနာတော်ကို ကြည်ညို မှီခိုတတ်သူ အဖြစ်ကို ရခဲ၏...
သူတော်ကောင်းတရား နာယူခွင့်ရရှိရန် ရခဲ၏...
သာသနာတော်တွင် ရဟန်းတပါးဖြစ်ရန်၊ (သာသနာတော်၏ အကျင့်ကို ကျင့်ရန်) ရခဲ၏ ...

သာသနာတော်နှင့် ကြုံခိုက် သီလ၊ သမာဓိ၊ ပညာ အလုပ်များကို မမေ့မလျော့သော သတိဖြင့် ကြိုးစား အားထုတ်သွားကြရမည်...

-"ဒုလ္လဘတရား ငါးပါး" - ရယူနာကြားနိုင်ရန်

မှတ်ချက်-
ဤတရားတော်ကို နာကြား ရေးမှတ်နေရင်း
အမိမြန်မာပြည်တွင် လူဖြစ်ခွင့်ရခြင်း၊ နေထိုင်ခွင့်ရခြင်း၊ ရတနာသုံးပါးကို စိတ်ရှိတိုင်း ကြည်ညိုကိုးကွယ်ခွင့် ရရှိခြင်းများ အတွက် ဖော်ပြ၍မရနိုင်သည့် ၀မ်းသာပီတိတစ်မျိုးခံစားရရှိမိပါကြောင်း ....။
(ဒုလ္လဘတရား ငါးပါးကို 5 Difficult Things To Get ဆိုပြီး အင်္ဂလိပ်ဘာသာ ပြန်ထားတာ မှားနေရင် သိတဲ့သူ ပြင်ပေးသွားကြပါ..။)

သူငယ်ချင်း ညီအကို မောင်နှမ မိတ်ဆွေများအားလုံး ...
အမျိုးဘာသာ၊ သာသနာတော်အကျိုးကို တတ်အားသမျှ သယ်ပိုး ထမ်းရွက်သွားနိုင်ကြသူများ ဖြစ်ကြပါစေလို့ ...
ဆုတောင်း မေတ္တာ ပို့သလိုက်ပါတယ် ....