ကုသိုလ်ဆိုတာ ဘာလဲ

ဒီနေ့ဟာ - မြန်မာသက္ကရာဇ် ၁၃၆၉ ခုနှစ်၊ တော်သလင်းလဆန်းရှစ်ရက် ၊ ဗုဒ္ဓဟူးနေ့ ဖြစ်ပါတယ်...
ဒီလို ဥပုသ်နေ့ တစ်နေ့မှာ ရပ်နီးရပ်ဝေးက မြင်ဖူး၊ မမြင်ဖူးတဲ့ သူငယ်ချင်းတွေ အတွက် နာကြားဖြစ်တဲ့ တရားတော် တစ်ပုဒ်ကို ဝေမျှပေးလိုက်ပါတယ် ...
“သီတဂူဆရာတော်ကြီး အရှင်ဥာဏိဿရ” ဟောကြားတော်မူတဲ့
“ကုသိုလ်ဆိုတာ ဘာလဲ” တရားတော်ပါ...အကြောင်းအရာ အချို့ကို ထုတ်နှုတ် ဖော်ပြထားတာ ဖြစ်ပါတယ် ...အောက်ဘက်မှာ တရားတော် ကို ဒေါင်းလုဒ် ရယူနိုင်တဲ့နေရာလည်း ပေးထားပါတယ်...
ဖတ်ရှု နာယူကြည့်ကြပါ သူငယ်ချင်းများ...

တရားတော်မှ ထုတ်နှုတ်ဖော်ပြချက် အချို့

ကုသိုလ်ဆိုတာ ဘာလဲ

လက္ခဏာ (၂) ချက်

အပြစ်ကင်းတဲ့ လက္ခဏာ ချမ်းသာတဲ့ အကျိုးပေးကို ပေးတတ်တဲ့ လက္ခဏာ ရှိသည်...

သတ္တိ (၂) ချက်

အကုသိုလ်တရားတွေ ယုတ်မာတဲ့ သဘောတွေကို ဖျက်ဆီးပစ်တတ်တဲ့ သတ္တိရှိသည်...
(ကုသိုလ်ရကြောင်း ထင်ထင်ရှားရှား ဘယ်လို ပြနိုင်သလဲ)
ကုလိုလ်ရတယ်ဆိုတဲ့ သူရဲ့ အသွင်မှာ ဖြူစင်တဲ့ သဘော လက္ခဏာတွေ ထင်ထင်ရှားရှားပေါ်လာသည်
ကိုယ် နှုတ် စိတ် အမူအရာများ ဖြူစင်လာသည်..

ကုလိုလ်ဘာကြောင့်ဖြစ်သလဲ - ယောနိသော မနသိကာရကြောင့်ဖြစ်သည်

အပြစ်ကင်းခြင်း
အကုသိုလ်တရားတွေကို သိမ်းကျုံးပြီး အပြစ်ဟုခေါ်သည်
လောဘ ဒေါသ နှင့် မစ္ဆရိယ ဟုခေါ်သော စေတသိတ် သုံးမျိုးမှာ အလွန်အပြစ်ကြီးစေသည့် အရာများဖြစ်သည်။ လိုချင်နှစ်သက်မှုကို အကြောင်းပြု၍ ရှာဖွေကြရသည်။ စား၊၀တ်၊နေဖို့ ရှာကြရသည်။ ရှာစဉ်ကတည်းက တဏှာအခြေခံ၍ ရှာကြသည်...
လိုချင်တာရတော့ ၀မ်းသာကြသည်။ တဏှာဖြင့် ၀မ်းသာကြသည်။
ရလာသော အရာများအပေါ် အခြေခံကာ ဘယ်နေရာတွင် ဘယ်လောက်သုံးမလဲ စသည်ဖြင့် ၀ိတက်ဖြင့် ဆုံးဖြတ်ချက် ချသည်... ရလာတဲ့ ပစ္စည်းများသည် ငါပိုင်တာတွေ ဖြစ်သည်ဟု တဏှာလောဘဖြင့် ဆုံးဖြတ်ချက်ချသည်
ငါပိုင်တာ တွေဟာ ဘယ်တော့မှ မပျက်စီးတော့ဘူး ဟု ဒိဌိဖြင့် ဆုံးဖြတ်ချက်ချသည်။ ရလာတဲ့ အရာတွေကို အာရုံငါးပါး အတွက် ဘယ်လို အသုံးပြုမည် စသည်ဖြင့် ဆုံးဖြတ်ချက်များ ချမှတ်ကြသည်။ ထိုအချိန်တွင် ၄င်းပစ္စည်းများ အပေါ် ပိုမို ပြင်းထန်စွာ စွဲလန်း တပ်မက်လာပြီး တပါးသူတွေကို မပေးနိုင်ဟု ဒေါသနဲ့ တွဲနေသော မစ္ဆရိယစိတ်များ ပေါ်လာသည်။ သူတပါး အတွက် မဟုတ်ဘူး ငါ့အတွက်သာ ဖြစ်သည်။ တခြားသူအတွက် ရှာထားတာ မဟုတ်ဘူးဟု မစ္ဆရိယနှင့် ဒေါသ ၀င်လာသည်...
ဒီလို တွေးမိတာနဲ့ ဆင်းရဲတော့သည်...
ဒါဟာ အကုသိုလ်ရဲ့ သဘောဖြစ်သည်...

မိမိမှာ ရှိတဲ့ အရာတွေကို သူများကို မပေးနိုင် ဆိုတဲ့ အတွေးဝင်တာနဲ့ မစ္ဆရိယစိတ်ဝင်လာပြီး ဒေါသနဲ့ ဆင်းရဲကျန်ရစ်သည်.. ဆင်းရဲခြင်းကို သဒ္ဒါတရားနဲ့ စေတနာ နှစ်ပါးက ဖယ်ရှားပေးနိုင်သည် ရတနာသုံးပါး တို့၏ ဂုဏ်သတ္တိကို ယုံကြည်ခြင်းကြောင့် လောဘ ဒေါသ မစ္ဆရိယ စိတ်များ ကင်းဝေးသွားသည်...

မြတ်ဗုဒ္ဓ၏ ကရုဏာတော်
သံသရာတွင် အကျိုးမဲ့ ဖြစ်မည်ကို မြင်လျှင် ဗုဒ္ဓက တားဆီးပေးသည်
ကောင်းကျိုးစီးပွား ဖြစ်မည်ကို မြင်လျှင် ဗုဒ္ဓက ညွှန်ကြားပေးသည်
ဗုဒ္ဓ၏ ဤဂုဏ်ကျေးဇူးကို ယုံခြင်းကြောင့် မိမိတို့၏ စိတ်နှလုံးတွင် ကြည်လင်လာသည့် သဘောရှိခြင်းကို သဒ္ဒါ ဟုခေါ်သည်...

တရားတော်၏ သတ္တိ
တရားတော်များသည် လူသားတို့ကို ဘ၀ ကန္တာရ အခက်အခဲမှ ကယ်တင်တတ်သည်.. အလွန်ပင်ပန်း ဆင်းရဲနေချိန်တွင် သက်သာမှု ပေးနိုင်သည်.. ရေမရှိသည့် သဲကန္တာရတွင် ပင်ပန်းဆင်းရဲစွာ ခရီးသွားနေသူကဲ့သို့၊ ဘ၀၏ ၀န်ထုတ်ဝန်ပိုး များဖြင့် (၁၁)ပါးသောမီးများ လောင်ကျွမ်းကာ သံသရာခရီးသွားနေသည့် လူသားတို့ကို ၀န်ပေါ့အောင် ကယ်တင် ပေးနိုင်သည် သက်သာမှုပေးနိုင်သည်... ထိုသတ္တိထူးနှစ်ပါး မိမိတို့နှလုံးသားအတွင်း ရောက်အောင်သွင်းနိုင်သည်နှင့် စိတ်နှလုံးမှာ ကြည်လင်လာသည်

သံဃာတော်၏ ဂုဏ်သတ္တိ
ဘုန်းတော်ခြောက်ပါးနှင့် ပြည့်စုံတော်မူသော ဘုရားရှင်၏ တပည့်သားများဖြစ်သော သံဃာတော်များသည် သံသရာမှ
လွတ်မြောက်အောင် ကျင့်နေကြသည် အားထုတ်နေကြသည်၊ ထိုသို့သော ပုဂ္ဂိုလ်များကို လှူဒါန်းရခြင်းသည် ကြီးမားသော အကျိုးရှိသည်ဟု ယုံကြည်ချက် မိမိတို့ နှလုံးသားထဲရောက်သည်နှင့် တပြိုင်နက် အေးချမ်းလာလိမ့်မည်

ဗုဒ္ဓ ဓမ္မ သံဃာ ရတနာသုံးပါးဂုဏ်သတ္တိများ အပေါ်အာရုံပြု၍ အလှုအတန်းပြုပါ
ကံသာလျှင်ကိုယ်ပိုင် ဥစ္စာဟူသော ယုံကြည်ချက်ရှိပါ
သဒ္ဒါနဲ့ စေတနာတွဲလာသည်နှင့် သံသရာမှာ ဖြစ်လာမည့် အပါယ်လေးပါး စသည့် မကောင်းကျိုးတွေကို ဖျက်ဆီးပေးသည် .. လူနတ် နိဗ္ဗာန် စသည့် ကောင်းကျိုးများဖြစ်ထွန်းစေသည်..

သာသနာတော်တွင်

လှူမည်ဟု ကြံတိုင်း ကြံတိုင်းဖြစ်သော မနောကံစေတနာ
လှူမည်ဟု တိုင်ပင်ဆွေးနွေးတိုင်းဖြစ်လာသော ၀စီကံစေတနာ
တကယ်လှူသည့်အခါ လုပ်တိုင်းလုပ်တိုင်း ဖြစ်လာသော ကာယကံစေတနာ
ဤစေတနာတို့သည် ကြည်လင်နေသော သဒ္ဒါနှင့် တွဲမိသည်နှင့် မကောင်းကျိုးများကို ဖျက်ဆီးပေးသည်

သဒ္ဒါနှင့် စေတနာသည် အလှူရှင် အစစ်ဖြစ်သည် ငါလှူတာမဟုတ်ဟု ပုဂ္ဂိုလ် သတ္တ၀ါနှင့် သဒ္ဒါစေတနာဟူသော ပရမတ္ထတရားများ ခွဲခြားသိမြင်ပါ..
ပစ္စည်းကို ငါပိုင်အဖြစ်နဲ့ မသိမ်းပါနှင့် သေလျှင်ထားခဲ့ရမည်
စွဲလန်းစိတ်ဖြင့်သေလျှင် သံသရာမှာ ဆင်းရဲဒုက္ခရောက်မည်
စေတနာ (ကံ)ကိုသာ မိမိအပိုင်ဟု ယုံကြည်လျှင် တဏှာနှင့် ဒိဌိ မကပ်နိုင်
ဤကုသိုလ် စေတနာသာလျှင် သံသရာတွင်မိမိနောက်မှ ပါလာမည်

ဘယ်လိုလှူမလဲ

ဒိဌိမပါရ

(သဒ္ဒါနှင့် စေတနာစသည့်ပရမတ္ထတရားများသည် အလှူရှင် အစစ်ဖြစ်သည် ငါလှူတာမဟုတ် ဟူသော မှန်ကန်သည့် အသိအမြင်လိုအပ်သည်)

သီလနှင့် ပြည့်စုံရမည်

သီလမပြည့်စုံလျှင် အလှူပစ္စည်း မသန့်ရှင်းဘဲ ဖြစ်တတ်သည်.. လှူမည်ဟု ဆုံးဖြတ်လိုက်သည်နှင့် သီလလုံအောင်ထားပြီး ရှာဖွေစုဆောင်းပါ..

ဥာဏ်ယှဉ်ထားရမည်

ဤအလှူကြောင့် ကာမဂုဏ်စည်းစိမ် စသည့်အရာများ ရရှိခံစားလိုသည် ... အစရှိသည့် တဏှာမပါစေနှင့်

သီလနည်းလျှင် လူချမ်းသာပေမယ့် ရန်သူမျိုးငါးပါးဘေးတွေ့ရတတ်သည်
ပါဏာတိပါတကံကျုးလွန်လျှင် အသက်တိုသည် အင်္ဂါချို့တဲ့တတ်သည်
သူတပါးကို နှိပ်စက်တတ်သူ ရောဂါထူသည် ...

ပစ္စည်းချမ်းသာသည် အသက်မရှည် (ဒါန + ပါဏာတိပါတရှိ)
ပစ္စည်းချမ်းသာသည် အသက်ရှည် အနာရောဂါများသည် (ဒါန + ပါဏာတိပါတမရှိ + ညှင်းပန်းနှိပ်စက်တတ်ခြင်းကြောင့်)
ပစ္စည်းချမ်းသာသည် အသက်ရှည်သည် (ဒါန + ပါဏာတိပါတမရှိ)
ပစ္စည်းချမ်းသာသည် အသက်ရှည် အနာရောဂါကင်းသည် (ဒါန + ပါဏာတိပါတမရှိ + ညှင်းပန်းနှိပ်စက်တတ်ခြင်းမရှိ)
ပစ္စည်းချမ်းသာသည် ရောဂါများ (ဒါနရှိ + ညှင်းပန်းနှိပ်စက်တတ်)
ပစ္စည်းမချမ်းသာ အသက်မရှည် ရောဂါထူ (ဒါနမရှိ + သူ့အသက်သတ် + ညှင်းပန်းနှိပ်စက်တတ်)

သူတပါးကို သတ်သူသည် အသက်တိုသည်...
သူတပါးကို နှိပ်စက်တတ်သူ သတ်သူ အသက်တိုပြီး ရောဂါထူသည်...
မတရားခိုးယူလာသော ပစ္စည်းများနှင့် အလှူပြုသော အခါ
ချမ်းသာသော်လည်း ရန်သူမျိုးငါးပါးကြောင့် ပျက်စီးရတတ်သည်...

သီလပျက်လျှင်... စိတ်မသက်သာမှူတွေဖြစ်သည်
စိတ်မသက်သာမှုတွေများလာလျှင်... စိတ်မငြိမ်းချမ်း...
စိတ်မငြိမ်းချမ်းလျှင်... ပီတိမဖြစ်...
ပီတိမဖြစ်လျှင်... သုခမဖြစ်...
သုခမဖြစ်လျှင်... သမာဓိမဖြစ်နိုင်...
သမာဓိမဖြစ်လျှင်... ယထာဘူတဥာဏ်မရနိုင်..
ယထာဘူတဥာဏ်မရလျှင်... နိဗ္ဗိန္တဥာဏ် မရနိုင်...
နိဗ္ဗိန္တဥာဏ် မရလျှင်... ၀ိရာဂမဖြစ်...
ဝိရာဂမဖြစ်လျှင် ... ၀ိမုတ္တိမဖြစ်တော့...
သီလသည် လောကီနှင့် လောကုတ္တရာ နှစ်ဖြာအတွက် ကြီးပွားကြောင်းတရား ဖြစ်သည်။

ထို့ကြောင့်

အလှူခံပုဂ္ဂိုလ်၏ သီလကောင်းမွန်မှု၊ အလှူပစ္စည်း၏ သန့်ရှင်းမှု၊
အလှူရှင်၏ အစ အလယ် အဆုံး ၊မလှူမှီ အလှူပြုစဉ်နှင့် လှူပြီး စေတနာများကောင်းမွန်မှု၊
အလှူ့ရှင်၏ ကံနှင့် ကံ၏အကျိုးတရားအပေါ်ယုံကြည်မှု

အစရှိသည့် ၀ိသုဒ္ဓိလေးပါးနှင့် ပြည့်စုံနေလျှင် အလွန်တရာကြီးကျယ်သော အကျိုးတရားများ ရနိုင်သည်

ရလာသော အကျိုးများတွင်

ကာမဂုဏ်စည်းစိမ်များကို လိုချင်တဲ့ စိတ်တွေ မပါစေနဲ့
ဒါမှ တဏှာကင်းသွားမည်
ဒုက္ခအားလုံးတို့၏ အကြောင်းရင်း တဏှာလောဘကို ပယ်ဖျောက်နိုင်မှသာလျှင်
ဒုက္ခအစုအပုံအတွင်းသို့ နောက်တစ်ကြိမ် မရောက်နိုင်တော့...

အခုဖော်ပြထားတာ တွေက တချို့တ၀က်မျှသာ ဖြစ်ပါတယ် ..
ဆရာတော် ဟောကြားထားတာက အများကြီး ပြည့်စုံပါတယ်...

ဖော်ပြထားတာတွေမှာ တစ်ခုခု အမှားအယွင်းများ ပါရှိခဲ့ရင် ကျွန်တော့်ဘက်က ချွတ်ယွင်းချက်သာ ဖြစ်ပါတယ်...
အမှတ်မလွဲရအောင် ဖတ်ပြီးသွားရင် တရားတော်ကို ရယူနာကြား စေချင်ပါတယ်...

-"ကုသိုလ်ဆိုတာ ဘာလဲ" တရားတော် - ရယူနာကြားနိုင်ရန်
သူငယ်ချင်း ညီအကို မောင်နှမ မိတ်ဆွေများအားလုံး ...
အမျိုးဘာသာ၊ သာသနာတော်အကျိုးကို တတ်အားသမျှ သယ်ပိုး ထမ်းရွက်သွားနိုင်ကြသူများ ဖြစ်ကြပါစေလို့ ...
ဆုတောင်း မေတ္တာ ပို့သလိုက်ပါတယ် ....