မသေခင်ဘာလုပ်ကြမလဲ (၃) - ဘာကြောင့် ဘလော့ဂ်ရေး

ကျွန်တော်လေ့လာ တွေ့ရှိထားသမျှ၊ ဖတ်ရှုမှတ်သားမိသမျှ အဖိုးတန်အချက်အလက်များ (အချို့မှာ ကျွန်တော့် အနေဖြင့် အဖိုးတန်သည်ဟု ထင်မြင်သော အချက်အလက်များ)နှင့် တရားတော်များကို ရသမျှ အချိန်ကလေးမှာ အင်တာနက် မှတဆင့်-

• မိတ်ဆွေများ၊ သူငယ်ချင်းများ အတွက် အကျိုးရှိစေရန်၊
• မသိသေးသူများ သိရှိလာစေရန်နှင့်
• သိရှိထားပြီးသူများ အသစ်ပြန်ဖြစ် လာစေရန် အတွက် -

ပြန်လည် ဝေငှခြင်းသည် တတ်နိုင်သည့် တစ်ဖက်တစ်လမ်းမှ လောက အကျိုး၊ အများ အကျိုး သယ်ပိုး ထမ်းရွက်ခြင်းဖြစ်သည်ဟု ယုံကြည်မိပါသည်..

အချိန်အခက်အခဲကြောင့် မြန်မာဘလော့ဂ် အများစုသို့ ကျွန်တော် မရောက်ဖြစ်သလို၊ (အချိန်ရလျှင် သွားတတ်သည့် ဘလော့ဂ်များလည်း ရှိပါသည်..) လာလည်ဖို့ အတွက်လည်း ဖိတ်ခေါ်ထားခြင်းမျိုး မပြုလုပ်ခဲ့ပါ.. မလွဲမရှောင်သာ ဤဘလော့ဂ်ကို ပြန်လည်ရည်ညွှန်းမှ ရမည့် အကြောင်းများ ရှိလာမှသာ လိပ်စာ ဖော်ပြ၍ ရည်ညွှန်းထားခြင်းမျိုး ပြုလေ့ရှိပါသည်.. မတော်တဆဖြစ်စေ၊ သိခြင်းကြောင့် ဖြစ်စေ၊ အင်တာနက်ရှိ ရှာဖွေရေး ၀က်ဘ်ဆိုက် (Search Engine) များမှ တဆင့် ဖြစ်စေ - စသည့် အကြောင်း အမျိုးမျိုးကြောင့် ဤနေရာသို့ ရောက်ရှိလာသူများမှာ အချိန်အခါ အကျိုးအကြောင်း တိုက်ဆိုင်စွာဖြင့် ရောက်ရှိလာကြခြင်း ဖြစ်သည်ဟု ထင်ပါသည်.. ဤနေရာသို့ ရောက်ရှိလာသူ မိတ်ဆွေ သူငယ်ချင်းများ၏ ကိုယ်၊နှုတ်၊စိတ် သုံးပါးလုံးအတွက် ဖြစ်စေ၊ တစ်ပါးပါး အတွက်ဖြစ်စေ အသိပညာ၊ ဗဟုသုတ၊ ဥာဏ်အလင်း စသည့် ကောင်းကျိုးချမ်းသာ တစ်စုံတစ်ရာ ပွင့်လင်း ရရှိသွားစေလိုခြင်းသည် ကျွန်တော့်၏ ရည်ရွယ်ချက် တစ်ခုပင် ဖြစ်ပါသည်..

မြတ်ဗုဒ္ဓ၏ အဆုံးအမ တရားတော်များအရ - လူ့ဘ၀မှာ အလွန်ရခဲသည့် အဖြစ်တစ်ခု ဖြစ်ပြီး၊ သံသရာတွင် အဆွေအမျိုး မတော်စပ်ခဲ့ ဖူးသူ မရှိကြောင်း၊ အားလုံးသည် အဆွေအမျိုးများ ဖြစ်ကြောင်း၊ နာကြားမှတ်သား ရသည့် နောက်တွင် ကျွန်တော်၏ (သံသရာ အစဉ်အဆက်မှ) အဆွေအမျိူးများကို အတတ်နိုင်ဆုံး "အကောင်းများ၊ လောကအကျိုး သံသရာ အကျိုး ဖြစ်လာစေမည့် အရာများ" ကိုသာ အထူး မျှဝေလိုစိတ် ဖြစ်ပေါ်မိပါသည်..

လူရယ်လို့ ဖြစ်လာသည့်အခါ အဆင်မပြေစရာများ၊ စိတ်ညစ်စရာများ ကတော့ လူတိုင်းမှာ၊ အခြေအနေ အဆင့်အတန်း တိုင်းမှာ မလိုချင်ပဲ ရနေ ရှိနေတာဖြစ်သည့်အတွက် ကိုယ့်အပူ သူများမကူးစက်အောင် ကိုယ့်ဘာသာပဲ ဖြေရှင်း နိုင်သမျှ ဖြေရှင်းတာ အကောင်းဆုံး ဖြစ်မည် ထင်ပါ၏..

လူ့ဘ၀မှာ တိုတောင်းလွန်းလှသည့်အတွက်၊ အချိန်အခါမရွေး အသက်သေဆုံးသွားနိုင်သည့် အတွက် (တနည်းအားဖြင့် ရှင်သန်နေထိုင်ခွင့် အချိန်မရွေး ဆုံးရှုံး ပျက်စီးသွားနိုင်သည့် အတွက်) ရှင်သန်နေရချိန် ကာလ အခိုက်အတန့် အတောအတွင်း လေးမှာ ကျွန်တော်တို့ အနေဖြင့်

• ကောင်းရာမွန်ရာများ ကိုသာ အတတ်နိုင်ဆုံး ကိုယ်တိုင် ဆောင်ရွက်ခြင်း၊
• (သံသရာမှ ယခုဘ၀ အထိ) အဆွေအမျိုး များအား မျှဝေခြင်း၊
• လေ့ကျင့်ခြင်းများ ကိုယ်စီ ဆောင်ရွက်ကြမည် ဆိုပါလျှင်..

အရာရာတိုင်းမှာ ယခုထက်ပိုပြီး သက်တောင့်သက်သာ ဖြစ်လာနိုင်ဖွယ်ရာ ရှိမည်ဟု မျှော်လင့် ယုံကြည်မိပါသည်...