စိတ်ကို ဆုံးမနည်း

ဒီနေ့ဟာ - မြန်မာသက္ကရာဇ် ၁၃၆၉ ခုနှစ်၊ သီတင်းကျွတ်လဆန်းရှစ်ရက် ၊ သောကြာနေ့ ဖြစ်ပါတယ်...
ဒီလို ဥပုသ်နေ့ တစ်နေ့မှာ ရပ်နီးရပ်ဝေးက မြင်ဖူး၊ မမြင်ဖူးတဲ့
သူငယ်ချင်းတွေ အတွက် နာကြားဖြစ်တဲ့ တရားတော် တစ်ပုဒ်ကို ဝေမျှပေးလိုက်ပါတယ် ...
“သီတဂူဆရာတော်ကြီး အရှင်ဥာဏိဿရ” ဟောကြားတော်မူတဲ့
“စိတ်ကို ဆုံးမနည်း” တရားတော်ပါ...အကြောင်းအရာ အချို့ကို ထုတ်နှုတ် ဖော်ပြထားတာ ဖြစ်ပါတယ် ...
အောက်ဘက်မှာ တရားတော် ကို ဒေါင်းလုဒ် ရယူနိုင်တဲ့နေရာလည်း ပေးထားပါတယ်...
ဖတ်ရှု နာယူကြည့်ကြပါ သူငယ်ချင်းများ...

လှုပ်ရှားနေတဲ့ စိတ်
လှုပ်ရှားနေတဲ့ စိတ်ဟာ တုန်လှုပ်နေတယ်..
အဲဒီ စိတ်ရဲ့ တုန်လှုပ်ပုံက ရေထဲက ငါး ကုန်းပေါ် ဆယ်တင်ထားခံရသလို တဖျတ်ဖျတ် တုန်လှုပ်နေတယ်
အဲဒီလိုပဲ အာရုံငါးပါးထဲက ဆွဲထုတ်ခံလိုက်ရတဲ့ စိတ်ဟာ တဖျတ်ဖျတ်နဲ့ တုန်လှုပ်နေတယ်
ဇနီးမယား သမီးသားနဲ့ စီးပွား ဥစ္စာ ကာမဂုဏ် အာရုံတွေထဲမှာ အမြဲတမ်း မွေ့လျော်နေတဲ့ စိတ်ဟာ အဲဒီဟာတွေနဲ့ ဝေးသွားတာနဲ့ တုန်လှုပ်နေတယ်

ရေထဲမှာ ပျော်တဲ့ ငါးဟာ ရေထဲကနေ ကုန်းပေါ် တင်လိုက်တာနဲ့ ငြိမ်နေလို့မရဘူး ... တဖျတ်ဖျတ်လူးပြီး ခုန်နေတာ...
လူထဲမှာ ပျော်တဲ့ စိတ်ဟာလည်း လူနဲ့ ဝေးပြီးတော့ သွားတာနဲ့ မနေတတ်မထိုင်တတ် ဖြစ်ပြီးတော့ တုန်လှုပ်နေတယ်

ရေထဲက ငါး ရေထဲမှာပဲ ပျော်သလို လူ့စိတ်ဟာလည်း ကာမဂုဏ်ထဲမှာပဲ ပျော်တယ်..
ကာမဂုဏ်နဲ့ ဝေးရင် ငါးခုန်သလို ခုန်နေတတ်တယ်...
တုန်လှုပ်နေတဲ့ စိတ်ဟာ မာရ်နတ်မင်းရဲ့ နိုင်ငံတော်ကနေ လွတ်မြောက်ဖို့ မဖြစ်နိုင်ဘူး
မာရ်နတ်မင်းရဲ့ နိုင်ငံဆိုတာ "ကာမ၀ဋ်၊ ကိလေသ၀ဋ်၊ ၀ိပါက၀ဋ်" ဆိုတဲ့ ၀ဋ် သုံးပါး၊
လွန်မြောက်ဖို့ အခက်တွေ့နေရတာက "ကာမဂုဏ် ငါးပါး" သို့မဟုတ် "အာရုံငါးပါး" ဆိုတဲ့
မာရ်မင်းရဲ့ စစ်သည်တော်တွေက ၀ိုင်းရံထားလို့ မလွန်မြောက်နိုင်...
တုန်လှုပ်နေတဲ့  စိတ်ဟာ မာရ်မင်းရဲ့ စစ်သည်တော်တွေကို ဖောက်ထွက်ပြီး
မာရ်မင်းရဲ့ နိုင်ငံတော်ကနေ လွတ်မြောက်ဖို့ ဆိုတာ မတတ်နိုင်...
အဲဒီလို တုန်လှုပ်ခြောက်ခြားတဲ့ စိတ်ကို ငြိမ်သက်လာအောင် ဆုံးမနိုင်ရမယ်...

မြတ်စွာဘုရား မိန့်ကြားတဲ့ စိတ်ဆုံးမနည်း

ချစ်သား ရဟန်းတို့
စိတ်သည် တုန်လှုပ်တယ်.. လျှပ်ပေါ်လော်လီတယ်.. စောင့်ရှောက်နိုင်ခဲတယ်.. တားဆီးဖို့ရန် ခက်ခဲတယ်..
ရဟန်းတို့ ဤသို့သော သဘော ရှိသော စိတ်ကို ဖြောင့်အောင်ပြုလော့
မြှားလုပ်တဲ့ ပုဂ္ဂိုလ်သည် မြှားကို ဖြောင့်အောင် ပြုလုပ်သကဲ့သို့၊
ဥာဏ်ရှိတဲ့ ပုဂ္ဂိုလ်မှန်သမျှသည် စိတ်ကို ဖြောင့်မတ်လာအောင် ပြုလုပ်နိုင်ကြပါစေ။

စိတ်ဟာ ကောက်နေမယ်၊ ကောက်ကျစ်နေမယ် ဆိုရင်
ပါးစပ်က "နိဗ္ဗာန်နဿ ပစ္စယောဟောတု" နေ့တိုင်း ရွတ်နေလည်း နိဗ္ဗာန်မရောက်နိုင်ဘူး...
ရာဂ လောဘ မောဟ စတဲ့ ကိလေသာ တစ်ခုခု ၀င်လာပြီ ဆိုတာနဲ့ စိတ်ဟာ မဖြောင့်တော့ဘူး
စိတ်ထဲက ဃရာဝါသ အစရှိတဲ့ အကာတွေ အူတွေကို ရှင်းလင်း ဖယ်ရှားနိုင်ရမယ်...
လူ့လောကထဲမှာ ဇနီးမယား သမီးသား စီးပွားဥစ္စာ အစရှိတာတွေနဲ့ ရောထွေးပြီးတော့ နေမယ်ဆိုရင် စိတ်ဟာ မဖြောင့်နိုင်ဘူး..
စိတ်ကို "လောက" ဆိုတဲ့ အပေါ်ယံ အကာတွေ ကနေ ခွာရှောင်နိုင်ဖို့ "သဒ္ဒါတရား" လိုအပ်တယ်...
သဒ္ဒါတရားမရှိရင် တောထွက်သွားတယ် ဆိုပေမယ့် တောထဲမှာ တရားအလုပ် အားထုတ်တာ မဟုတ်ဘဲ မုဆိုးလုပ်နေတာ ဖြစ်နေနိုင်တယ်...

စိတ်ကို သဒ္ဒါတရား များများရှိလာအောင်လုပ်..
ရတနာသုံးပါး.. သမထ၊ ၀ိပဿနာ တွေကို အာရုံပြုလိုက်ရင် စိတ်ဟာ ကြည်လာတယ်..
အဲဒီလို သဒ္ဒါတရား ရှိနေတဲ့ စိတ်ကို သီလနဲ့ ပြည့်စုံအောင် လုပ်ရမယ်...
ပြီးတော့ သမထက တစ်ဖက်၊ ၀ိပဿနာက တစ်ဖက် နှစ်ဖက်ညှပ်ပြီးတော့ စိတ်ကို ဖိထား..
"၀ီရိယ" နဲ့နာနာ အားထုတ်ကြ...
"သမထ" နဲ့ တစ်ဖက်က ဖိတော့ စိတ်ဟာ ငြိမ်လာတယ်...
"၀ိပဿနာ" နဲ့ တစ်ဖက်က ဖိတော့ စိတ်ဟာ ထက်လာတယ်...
"သမထ"က စိတ်ကို ငြိမ်စေတယ်.. "၀ိပဿနာ"က စိတ်ကို ထက်မြက်စေတယ်...
ဒါမှမဟုတ်.. တစ်ဖက်က "သမာဓိ"နဲ့ ဖိရင် တစ်ဖက်က"ပညာ"နဲ့ ဖိရမယ်...
ကိလေသာကို ခြိမ်းခြောက်နိုင်သော "၀ီရိယ" ကိုများများ အသုံးပြုပြီး နှိမ်နင်းရမယ်..

နှစ်ပေါင်းများစွာ ကမ္ဘာပေါင်းများစွာ
ခန္ဓာကိုယ်ကြီးမှာ ကိန်းအောင်းနေတဲ့ ဒီ "ကိလေသာ"ရန်သူကို တကယ် တိုက်တော့မယ် ဆိုရင်
၂၄ နာရီမှာ ၁၈ နာရီလောက် အလုပ်လုပ်
( ၄ နာရီအိပ်၊ ကိုယ်လက်သန့်ရှင်း အစာစားတာတွေအတွက် ၂ နာရီထား) ပြီး
ဒီ"ကိလေသာ" ကို တိုက်မယ်ဆိုရင်
နေ့ရော ညရော၊ ညရော နေ့ရော မပျင်းမရိ အားထုတ်ကြမှ
"ကိလေသာ"ရန်သူကို ခြိမ်းခြောက်နိုင်တဲ့ ပြင်းထန်သော "၀ီရိယ"ရှိမှ
"စိတ်ဟာ ဖြောင့်လာမယ်"..
ဖြောင့်လာတဲ့ စိတ်မှသာ နိဗ္ဗာန်ကို မျက်မှောက် ပြုနိုင်မယ်...
ဒါဟာ စိတ်ပြင်တဲ့ နည်း ပဲ...

တုန်လှုပ်နေတဲ့ စိတ်..
လျှပ်ပေါ်လော်လီတဲ့ စိတ်..
စောင့်ရှောက်နိုင်ခဲတဲ့ စိတ်..
တားဆီးဖို့ရန် ခက်ခဲတဲ့ စိတ်..
အဲဒီ စိတ်ကို ဥာဏ်ရှိတဲ့ သူတော်ကောင်းတွေက ဖြောင့်မတ်လာအောင် လုပ်ကြရမယ်...

မြတ်စွာဘုရား မိန့်ကြားတဲ့ မိတ်ဆွေရှုာနည်း
မိတ်ဆွေရှာဖွေတဲ့ အခါမှာ-
"မိမိထက် မြတ်တဲ့သူ၊ အကျင့်လည်းကောင်းသူ၊ အသိပညာရှိသူ" ကိုရရင် ကောင်းတယ်.. အဲဒါ ကိုယ့်ထက် သာတဲ့သူ.. ကောင်းတယ်
"မိမိနဲ့ တန်းတူတဲ့သူ၊ အကျင့်လည်းတန်းတူ ဖြစ်သူ၊ အသိပညာလည်း တန်းတူရှိသူ" ကိုရရင်လည်း ကောင်းတယ်.. အဲဒါဆိုလည်း အပြန်အလှန် မှီခိုလို့ ရတယ်
အဲဒီလို ကိုယ့်ထက်သာသူ၊ ကိုယ်နဲ့ တန်းတူ ဖြစ်သူတွေကို မရဘဲ
ကိုယ့်အောက် "အဆင့်လည်းနိမ့်သူ အသိပညာလည်း နိမ့်သူ"ကို ရခဲ့မယ် ဆိုရင်တော့..
မြင့်တက်လာအောင် ချီးမြှောက်ရမယ်..
ကြိုးစားပြီး မြင့်လာအောင် လုပ်လို့ အသိနဲ့ အကျင့် တိုးတက်လာမယ်ဆိုရင် ... ပေါင်းလို့ ရသေးတယ်
ချီးမြောက်လည်းမရ ဆွဲတင်လည်းမရ တိုးတက်မလာတာ...
ပိုနိမ့်ကျသွားတာမျိုးတွေ ဖြစ်လာမယ်ဆိုရင် အဲဒီလိုလူမျိုးကို ရှောင်ပါ... လူမိုက်

လူမိုက်ဆိုတဲ့ ပုဂ္ဂိုလ်မှာ အတူတကွ ဆိုတဲ့ စိတ်မျိုး မရှိဘူး..
ကိုယ်ချမ်းသာစဉ်က အတူ၊ ကိုယ်ဆင်းရဲတဲ့ အခါ စွန့်သွားတယ်..
သူဆင်းရဲစဉ်က အတူ၊ သူချမ်းသာတော့ စွန့်သွားတယ် ဆိုတဲ့ သူမျိုး ဟာ မိတ်ဆွေကောင်း မဟုတ်ဘူး..

"၀ိတက်"တွေကို ချုပ်ငြိမ်းသွားအောင် အာနာပါန နဲ့ချုပ်..
"ရာဂ" တွေ ချုပ်ငြိမ်းအောင် အသုဘနဲ့ နှိမ်နင်းကြ..
"ဒေါသ" တွေ ချုပ်ငြိမ်းအောင် မေတ္တာများများပွား..

နည်းကောင်း လမ်းကောင်းတွေကို ညွှန်ပြတာ ကလျာနမိတ် (မိတ်ဆွေကောင်း)၊ အမှီပြုရမယ် ပေါင်းရမယ်..

အခုဖော်ပြထားတာတွေက တချို့တ၀က်မျှသာ ဖြစ်ပါတယ် ..
ဆရာတော် ဟောကြားထားတာက အများကြီး ပြည့်စုံပါတယ်..
ဖော်ပြထားတာတွေမှာ
တစ်ခုခု အမှားအယွင်းများပါရှိခဲ့ရင်
ကျွန်တော့်ဘက်က ချွတ်ယွင်းချက်သာ ဖြစ်ပါတယ်...
အမှတ်မလွဲရအောင်
ဖတ်ပြီးသွားရင် တရားတော်ကို ရယူနာကြား စေချင်ပါတယ်
-"စိတ်ကို ဆုံးမနည်း" တရားတော် - ရယူနာကြားနိုင်ရန် ၂.၁၄ မီဂါဘိုက် WMA ဖိုင်

သူငယ်ချင်း ညီအကို မောင်နှမ မိတ်ဆွေများအားလုံး ...
အမျိုးဘာသာ၊ သာသနာတော်အကျိုးကို
တတ်အားသမျှ သယ်ပိုး ထမ်းရွက်သွားနိုင်ကြသူများ ဖြစ်ကြပါစေလို့ ...
ဆုတောင်း မေတ္တာ ပို့သလိုက်ပါတယ် ....