ကျွန်တော်ချစ်သောသူငယ်ချင်းများအတွက်
...: ပညာရေး၊စီးပွားရေး၊ ဘာသာရေး၊ ဂီတ၊ ရုပ်ရှင်၊ စာပေ၊ နည်းပညာ၊ အိုင်တီ၊ ကူးယူရန်ဆော့ဖ်ဝဲလ်များနဲ့ အခြားနေရာများကို ဒီနေရာလေးကနေ ဝေမျှပေးလိုက်ပါတယ် :...

... BE PEACEFUL AND HAPPY ALL THE MOMENTS, ALL MY FRIENDS ...

May 3, 2009

မေတ္တာ

၂၀၀၉ ခုနှစ် မေလ ၂ ရက်နေ့ - စနေနေ့ - ညနေ ၆ - ၃၀ နာရီ အချိန်၊ စင်္ကာပူနိုင်ငံ - တိုပါးယိုး မြန်မာ ဘုန်းတော်ကြီးကျောင်းမှာ ဆရာတော် “ဓမ္မဒူတ အရှင်ဆေကိန္ဒ” ဟောကြားခဲ့တဲ့ တရားတော်ကို မှတ်သားမိသမျှ ပြန်လည် ဝေမျှပေးလိုက်ပါတယ်...

လူတိုင်း အမှန်တရားလက်ကိုင်ထားတယ်လို့ ပြောကြတယ်.. ဒါပေမယ့် လူကြားထဲ အမှန်အတိုင်း သွားပြောရင် အဆင်မပြေ ဖြစ်ကြတာ များတယ်... အိမ်မှာ - ကိုယ်က မှန်အောင်နေတယ်၊ တစ်အိမ်လုံးနဲ့ အဆင်မပြေ ဖြစ်ကြတယ်.. ကဲ.. လိုက်ဆိုကြ
“ကိုယ်ကမှန်တယ် ၊ ဒါပေမယ့် အားလုံးနဲ့ အဆင်မပြေဘူး၊ မနေတတ်သေးလို့နဲ့ တူပါတယ်”
“Right for one self, but not OK with all. Look like don't know how to live!”

သူ အဆင်မပြေဘူး... ကိုယ် အဆင်ပြေနေတယ်...
ဒီအချိန်မှာ ကိုယ့်ဆီမှာ သနားကြင်နာတဲ့ စိတ်ကလေး ရှိနေဖို့ လိုတယ်
“ကိုယ့်ကံနဲ့ ကိုယ်လာတာ” ဆိုတဲ့ စကားကို အဆင်ပြေနေတဲ့သူက အဆင်မပြေဖြစ်နေတဲ့သူကို ပြောလိုက်တဲ့ အခါ - မှန်တော့ မှန်တယ်၊ ဒါပေမယ့် ကြားရတဲ့သူ အတွက် အဆင်မပြေနိုင်ဘူး၊ ခံရခက်တယ်
“ဗြဟ္မာ့ဝိဟာရ တရားလေးပါး” နဲ့ နေနိုင်မှ အားလုံးနဲ့ အဆင်ပြေမယ်... ဗြဟ္မာ့ဝိဟာရ တရားလေးပါးဆိုတာ “မေတ္တာ၊ ကရုဏာ၊ မုဒိတာ၊ ဥပေက္ခာ” တရားတွေကို ခေါ်တာ...
မေတ္တာထားပါ... သနားရမယ့်သူကို သနားပါ... သူများကြီးပွားချမ်းသာနေတာကို မုဒိတာပွားပါ... ဥပေက္ခာပြုသင့်တာကို ဥပေက္ခာပြုပါ...

ကိုယ်က လူတစ်ယောက်ကို မေတ္တာထားလို့လည်း မရဘူး၊ သနားလို့လည်း မရဘူး၊ မုဒိတာပွားလို့လည်း မရဘူး ဆိုရင်တော့... ဘယ်လိုမှ လုပ်လို့ မရဘူးဆိုရင်တော့ ဥပေက္ခာပြုလိုက်ပါ...
“ဈာန်ငါးပါး” မှာ ဥပေက္ခာက “ပဉ္စမဈာန်” ကို ရောက်တယ်...
“အိမ်ပူတယ”် ဆိုတာ “အိမ်ကလူတွေ၊ အိမ်မှာနေတဲ့သူတွေ ပူလို့ အိမ်ပူတာ” ...
“ကမ္ဘာကြီးပူတယ်” ဆိုတာ “ကမ္ဘာကြီးမှာနေတဲ့သူတွေ ပူလို့”
လူတွေ ကိုယ်မှန်တယ်ထင်ပြီး ထင်တာလုပ်လေလေ ပိုပူလာလေလေပဲ... “မှန်အောင်နေပါ... ဗြဟ္မာ့ဝိဟာရ တရားနဲ့ နေပါ”

“မေတ္တာထားတယ်” ဆိုတာ “လောဘ မဖြစ်အောင် နေတာ”
“ကရုဏာ ထားတယ်” ဆိုတာ “ဒေါသ မဖြစ်အောင် နေတာ”
“မုဒိတာ ပွားတယ်” ဆိုတာ “လောဘ၊ဒေါသ မဖြစ်အောင် နေတာ”
“ဥပေက္ခာ ထားတယ်” ဆိုတာ “မောဟ မဖြစ်အောင် နေတာ”

မေတ္တာစိတ်ကို “လက်တစ်ဖျစ်တီး” လောက်၊ “တစ်စက္ကန့်” လောက် ထားကြည့်ပါ။ ဒီလို မေတ္တာနဲ့ နေတာကို “ဈာန်တရားနဲ့နေတယ်၊ ဈာန်ဝင်စားနေတယ်” လို့ခေါ်တယ်... လက်တစ်ဖျစ်လောက် မေတ္တာစိတ်ထားတာနဲ့ လက်တစ်ဖျစ်စာ သမာဓိ၊ လက်တစ်ဖျစ်စာ ဈာန် ( “စတုတ္ထဈာန်”) ရတယ်.. “သီလ၊ သမာဓိ၊ ပညာ” သိက္ခာသုံးမျိုးလုံး ကျင့်ပြီးသား ဖြစ်သွားတယ်...

“မေတ္တာစိတ်ဖြစ်အောင် ဘယ်လိုလုပ်မလဲ”
“မတည့်တဲ့သူ၊ မုန်းတဲ့သူ အကြောင်း မစဉ်းစားနဲ့၊ ချစ်တဲ့သူ အကြောင်းလည်း မစဉ်းစားနဲ့”
မုန်းတဲ့သူ အကြောင်း စဉ်းစားရင် “ဒေါသ” ဖြစ်မယ်... ဒေါသဖြစ်ရင် ဈာန်လျောမယ် ...
ချစ်တဲ့သူ အကြောင်း စဉ်းစားရင် “တဏှာ” ဖြစ်မယ်... တဏှာဖြစ်ရင် ဈာန်လျောမယ် ...
တဏှာနဲ့လည်း မချစ်နဲ့၊ ဒေါသနဲ့လည်း မမုန်းနဲ့၊ ကိုယ့်ကိုယ်ကို စပြီး မေတ္တာပို့ ...

လူတွေ မေတ္တာ နေ့တိုင်းပို့နေကြတယ်... တကယ်မေတ္တာ ရှိလို့လား၊ အကျင့်ပါနေလို့ ပို့ကြတာလား
မေတ္တာဆိုတာ ကိုယ့်မှာ ရှိနေဖို့၊ သူများကို ပေးဝေဖို့ လိုတယ်... လက်တစ်ဖျစ်စာကနေ ရအောင်လုပ်ကြပါ...
(ဒီနေရာမှာ ဆရာတော်က မေတ္တာပွားထားတဲ့ သံဃာတော်တွေကို လှူဒါန်းရတာ အလှူရှင်ရော၊ သံဃာတော်တွေပါ နှစ်ဘက်လုံး အကျိုးများတဲ့ အကြောင်း ဟောပါသေးတယ်... အသေးစိတ်မှတ်ဖို့ ခက်သွားလို့၊ ရေးရင်မှားသွားမှာ စိုးရိမ်တဲ့ အတွက် ချန်ထားခဲ့ပါတယ်)...

ကမ္ဘာကြီးပူနွေးလာတာ လူတွေရဲ့ “လောဘ၊ ဒေါသ၊ မောဟ” တွေကြောင့် ဖြစ်တာ.. တချို့က သစ်ပင်တွေ ခုတ်လို့ လို့ပြောကြတယ်... တကယ်ကတော့ “လောဘ၊ ဒေါသ၊ မောဟ” တွေကြောင့်... လူတွေ သစ်ပင်ခုတ်တယ်၊ ခုတ်တဲ့သူတွေက အခုတ်ခိုင်းတဲ့သူတွေရှိလို့ ခုတ်တယ်၊ အခုတ်ခိုင်းတဲ့ သူတွေက သူတို့ကိုယ်တွင်းက “လောဘ၊ ဒေါသ၊ မောဟ” တွေကြောင့် အခုတ်ခိုင်းတာ...

မေတ္တာစိတ်ဆိုတာ ပင်ကိုယ်ဓါတ်ခံကောင်းရင် ဖြစ်လွယ်တယ်၊ မုန်းစရာ ချစ်စရာ အာရုံတွေကို ရှောင်ပြီး အာရုံပြု၊ ဥပမာ - မိဘကျေးဇူးကို အာရုံပြု၊ ကိုယ့်အကြောင်းကိုယ် စဉ်းစားရင်လည်း အဆင်ပြေတယ်... မေတ္တာစိတ် ဖြစ်လွယ်တယ်၊။ သူများအကြောင်းတွေ စဉ်းစားရင် ချစ်တဲ့၊ မုန်းတဲ့စိတ်တွေ ဖြစ်လာနိုင်တယ်...
ကိုယ်နဲ့ မတည့်တဲ့သူအကြောင်းဆိုရင် မစဉ်းစားဘဲနဲ့ ပေါ်နေတတ်တယ်... မတည့်တဲ့သူ အကြောင်းကို စဉ်းစား၊ ပေါ်လာတဲ့ သူ့မျက်နှာကို မြင်ပြီး ကိုယ်တစ်ယောက်ထဲ ရန်ဖြစ်နေတာ... ကိုယ့်လောက် ရူးတဲ့သူ မရှိတော့ဘူး၊ ကိုယ့်စိတ်တွေပဲ ပူလောင်လာမယ်.. သူကတော့ သိမှာတောင် မဟုတ်ဘူး...

အိပ်ခါနီး ချက်ချင်း အိပ်မပျော်သေးခင် - ကိုယ်မေတ္တာပို့နိုင်သူ၊ ကိုယ်မေတ္တာပို့ရမယ့်သူတွေကို - မေတ္တာပို့ပါ... မနက် အိပ်ယာက နိုးတာနဲ့ နိုးနိုးချင်း မေတ္တာပွားပါ...
ဘယ်သူ့အပေါ်မှ မမုန်းဘဲနေနိုင်တဲ့ အစွမ်း၊ စိတ် ရှိနိုင်/ထားနိုင်ရမယ်
လူတွေက အချိုးမကျတဲ့သူ၊ ကိုယ်စိတ်တိုင်းမကျတဲ့သူကို မြင်လေ မေတ္တာစိတ် ပျောက်လေလေ ဖြစ်တတ်ကြတယ်...

အမှန်တရားကိုလည်း ကြိုက်ပါ၊ နေတတ်အောင်လည်း နေပါ...
ကိုယ့်စိတ်တိုင်းကျ၊ အချိုးကျတဲ့သူဆိုတာ မရှိနိုင်ဘူး... ကိုယ့်ကိုယ်ကိုတောင် စိတ်တိုင်းကျကြရဲ့လား... ကိုယ်ပြင်ပေးလိုက်လို့၊ ကိုယ်ပြောလိုက်လို့ အချိုးကျသွားတယ်ဆိုတဲ့သူ ဘယ်နှစ်ယောက် ရှိခဲ့ဘူးလဲ... ကိုယ့်မှာ မေတ္တာတကယ်ရှိလာရင် မျက်စိထဲမှာ အားလုံး အချိုးကျလာမယ်...

မေတ္တာစိတ်လေးထားတာသည် - သီးခံခြင်း အကျင့်ကို ကျင့်ရာရောက်တယ်၊ အားလုံး အကျိုးများတယ်၊ သီလ၊ သမာဓိ၊ ပညာ ထူထောင်ပြီး ဖြစ်တယ် -
ကိုယ် မေတ္တာပို့ချင်တဲ့သူကို အာရုံစိုက်ပြီးပို့၊ ပြီးရင် လူ၊ သတ္တ၀ါ တွေကို မေတ္တာပို့ ၊ မိဘ၊ ကျေးဇူးရှင် ဆရာသမားတွေကို စူးစိုက် အားထဲ့ပြီး မေတ္တာပို့လိုက်တာနဲ့ အာရုံထဲမှာ သူတို့ပုံတွေ ပေါ်လာမယ်...
အားစိုက်ထုတ်တာလေးရှိတယ်... ရည်မှန်းတဲ့ ဓါတ်ကလေးပါတယ်... “သြဒိသ” - ရည်စူးပြီးပို့တဲ့ မေတ္တာ...
စိတ်ကို မှန်လို ကြည်အောင်နေ... မေတ္တာစိတ်လေးနဲ့နေ... "အနောဒိသ" - မရည်စူးပဲ ပို့တဲ့ မေတ္တာ...
သြဒိသ မေတ္တာမှာ စူးစိုက်တဲ့ “ဈာန်” သဘောပါတယ် - ဈာန်က အားးစိုက်ရတယ်... “သမထ”
အနောဒိသ မေတ္တာမှာ “ဥာဏ်” သဘောပါတယ် - ဥာဏ်က အားစိုက်ဖို့ မလိုဘူး ... “၀ိပဿနာ”
တခါတလေ ကိုယ်က ဘုရားရှိခိုးပြီးလို့ စိတ်ကလေးကြည်နေတဲ့ အချိန်မှာ - မေတ္တာပွားနေတဲ့ အချိန်မှာ စိတ်ထဲမှာ - ဖျတ်ကနဲ၊ ဖျတ်ကနဲ ပေါ်လာတဲ့ သူတွေ ကြုံဖူးလိမ့်မယ်... အဲဒါ ကိုယ့်မေတ္တာကို ခံယူမယ့်သူတွေ ပေါ်လာတာ... “အနောဒိသ” မေတ္တာ၊ အဲဒီအချိန်မှာ သူတို့ကို မေတ္တာပို့ပေး... အဲဒီအချိန်မှာ လောဘ၊ ဒေါသ၊ မောဟ တွေ ဖြစ်မနေဘူး၊ ပေါ်လာတဲ့ အာရုံတွေမမြဲတာ၊ လူတွေ ပေါ်လာတယ် - မေတ္တာပို့တယ် - ပျောက်သွားတယ်၊ နောက်တစ်ယောက်ပေါ်လာတယ် - မေတ္တာပို့တယ် - ပျောက်သွားတယ်၊ ဒါ “မမြဲတဲ့ သဘော” ကို နှလုံးသွင်းဖို့။ မေတ္တာပို့နေရင်း ကိုယ့်စိတ်မှာ၊ ကိုယ်မှာ “ပီတိ” တွေ “ဖြစ်လာမယ်” ၊ အဲဒီ ပီတိတွေ “ပျက်သွားမယ်” .. ဒါဟာ ပီတိကြောင့် ဖြစ်လာတဲ့ “ဖြစ်/ပျက်” သဘောတွေကို သိလာတာ... “၀ိပဿနာ”...
အဲဒီအချိန်မှာ “စိတ်မဆိုးအောင်၊ ဒေါသမထွက်အောင် သတိထား” “စိတ်ဆိုး ဒေါသထွက်ရင် ကိုယ်ရနေတဲ့ ငြိမ်းချမ်းမှုလေး ဆုံးရှုံးသွားမယ်...”

မေတ္တာထားတတ် ပွားတတ်ရင် “ဈာန်လည်းရမယ်၊ ဥာဏ်လည်းရမယ်” ၊ လက်တစ်ဖျစ်စာ မေတ္တာပွားတဲ့အခါမှာတောင် ဒီလောက် အကျိုးများရင်၊ “လက်တစ်ဖျစ်စာပေါင်းများစွာ” (ကြိမ်ဖန်များစွာ) ကျင့်လာတဲ့သူတစ်ယောက်အတွက် ဘာမှ ပြောစရာကို မလိုတော့ဘူး...
“မေတ္တာ” ကို “ရှိအောင်လည်း နေပါ” “သူများတွေကိုလည်း ပေးပါ၊ ပို့ပါ၊ ပွားပါ”

တရားပွဲကို ကျွန်တော်ရောက်တဲ့ အချိန်မှာ အနည်းငယ်နောက်ကျသွားတဲ့ အတွက် ခေါင်းစဉ်ကို မသိလိုက်ဘူး.. ဘေးကလူကိုလည်း မမေးမိဘူးခင်ဗျ... ဒါနဲ့ မေတ္တာ အကြောင်းဟောထားတာဖြစ်လို့ “မေတ္တာ” လို့ အမည်တပ်ထားတာပါ...
တရားတော်ကို နာယူမှတ်သားရတာ အရမ်းကောင်းလွန်းပါတယ်.. လိုက်နာကျင့်သုံးဖို့ မခက်သလို လိုက်နာကျင့်သုံးနိုင်ရင် အလွန်ပဲ အကျိုးများမှာ ပါပဲ
တရားလာမနာဖြစ်တဲ့ သူတွေ အတွက် ဆရာတော်ဟောသွားတဲ့ အတိုင်း လိုက်မှတ်ထားတာလေးတွေကို မှတ်လို့ ရသလောက် ပြန်လည် မျှဝေထားတာ ဖြစ်ပါတယ်... အတတ်နိုင်ဆုံး အမှန်အတိုင်း ဖြစ်အောင် ကြိုးစားလိုက်မှတ်ထားပေမယ့် ကျွန်တော် လိုက်မှတ်တဲ့ နေရာမှာ ပြန်ရေးတဲ့ အခါမှာ အမှားပါနိုင်တဲ့ အတွက် အသုံးဝင်တဲ့ အချက်လေးတွေယူပြီး မှားနေရင်လည်း ပြင်ပေးသွားကြပါ.. အသံဖမ်းဖို့ အဆင်မပြေတဲ့ အတွက် အသံဖိုင်ကိုတော့ ဝေမျှနိုင်ခြင်း မရှိပါဘူး... ဒါပေမယ့် အသံဖမ်းထားတဲ့သူတွေ ရှိတဲ့အတွက် အင်တာနက်ပေါ်ကို တစ်ချိန်မှာ ရောက်လာမှာပါ... အသံဖိုင်ရှိတဲ့သူတွေ ပြန်လည်ဝေမျှသွားကြပါ...
ညီအကို မောင်နှမများအားလုံး “မေတ္တာထားနိုင်၊ မေတ္တာပွားနိုင်” တဲ့သူတွေ အမြန်ဆုံး ဖြစ်နိုင်ကြပါစေ....